8 kombuise OM VAN TE DROOM
Wanneer die stapeldeure oop is, voel dit of ek in die tuin kook. – Ilse Robbertse
#1 ’n Vars bries
In 2018, twee jaar nadat llse en Jayson Robbertse by dié huis in Parkhurst ingetrek het, het hulle die kombuis geskuif; dit was in die middel van die huis “ingeprop” en hulle wou dit nader aan die kuierarea aan die huis se agterkant hê.
“Ons is gaande oor ons agterplaas; dis omring deur so baie bome dat dit soos ’n woud voel,” sê Ilse. “Ons kook en onthaal graag, daarom het dit sin gemaak dat die kombuis nader aan dié ruimte is.”
Die nuwe kombuis (waar ’n Wendyhuis eers
