GEE hoë brandstofpryse en druk verkeer jou kopseer? Saamryklubs kan jou heelwat aan vervoerkoste bespaar en jou bloeddruk laag hou. En hoe minder motors op die pad, hoe beter vir die omgewing.
Dit kan wel jou versekering raak. Sommige versekeringsmaatskappye klassifiseer saam- ryklubs as ’n kommersiële aktiwiteit. Vra dus liewer jou versekeraar of jy die toepaslike dekking het. As jy jou voertuig minder gebruik omdat julle beurte maak om te ry, kan jou premie moontlik verlaag word.