’N MENS sou hom waarskynlik die vergestalting van aardjie na sy vaartjie kon noem – in sy 20’s lyk hy op ’n druppel na sy Bok-pa, amper onheilspellend so. En nes sy pa is hy een van daardie inklimspelers wat jy altyd in jou agttal wil hê.
Ironies eintlik, beskryf die Stormers- speler André-Hugo Venter (22) dit, want as toeskouer het hy sy pa, die ikoniese Springbok André Venter, nooit in die Groen-en-goud sien speel nie; hy het nie eens as tjokkertjie ’n rugbybal saam met hom rondgeskop nie.
Trouens, André-Hugo is gebore ná die gloriejare toe sy pa sy naam in die rugbyannale as ’n voorspeler en flank van formaat verewig het.
“Hy’s een van daai ouens wat geen emosie op die veld wys nie. Jy kon