TE midde van die energiekrisis en komplekse oplossings wat daarvoor nodig is, was die hoop dat Gwede Mantashe, minister van minerale hulpbronne en energie, ’n duidelike roete uit die verknorsing sou skets met die geïntegreerde hulpbronplan (IRP2023). Dit is die padkaart wat die toekoms en beplanning vir Suid-Afrika se energiebehoeftes en -samestelling uitstippel.
Pleks daarvan stel die plan nuwe opwekkingskapasiteit van 29 GW teen 2030 in die vooruitsig, terwyl 50-60 GW se bykomende energie nodig is om die land se energievoorsiening volhoubaar te maak en beurtkrag te beëindig.
Ingevolge die plan gaan die uitdiensstelling van ou steenkoolkragsentrales ook eers uitgestel word,
