OM na trofeejag as iets anders, soos bewaringsjag, te verwys, maak weinig verskil in die debat oor volhoubare benutting rondom trofeejag. Dit lei bloot tot beskuldigings van verdoeseling en verneukery.
Só sê dr. Dilys Roe, hoof van die internasionale instituut vir omgewing en ontwikkeling (IIED) in Brittanje en voorsitter van die internasionale unie vir natuurbewaring (IUCN) se spesialisgroep vir volhoubare grondbenutting en lewensbestaan (SULi). Sy het op die konferensie van die beroepsjagtersvereniging Custodians for Professional Hunting and Conservation (CPHC-SA) gesê hoewel niemand in Europa kla oor benuttingsjag of bestaansjag nie, het anti-jagbewegings redelik steun gewen teen die konsep van wettige jag wat as stokperdjie beoefen word.
Sy definieer trofeejagters as mense wat dikwels in ander lande gaan jag en dan iets van die dier wat hulle gejag het, saamneem na die land waar hulle vandaan kom. Die
