VOORUITSKOUING Wyn
Wanneer daar oor die toekoms van die wynbedryf gepraat word, duik een woord gereeld op: premiumization (die poging om ’n handelsmerk of produk onder verbruikers te bevorder deur die besonderse gehalte en eksklusiwiteit daarvan te beklemtoon).
“Sowat tien jaar gelede is die grootste deel van Stellenbosse wyn teen R40-R60 per liter verkoop. Nou het dit gestyg tot R80-R100 per liter, maar eintlik wil jy hoër as dit kan wees,” sê dr. Edo Heyns, strategiese ontwikkelings-en-bemarkingsdirekteur by Advini Suid-Afrika.
Heyns, wat ook betrokke is by Stellenbosch-wynroetes, sê dié organisasie het onlangs die Stellenbosch 2030-plan van stapel gestuur met die uitsluitlike doel om wyn ’n meer premiebaadjie aan te trek. Dit geld nie net pryse nie, maar om seker te maak die groei kom reg oor die wynmandjie en in die regte markte voor.
“Suksesse wat ons onlangs binne Advini bereik het, maak my baie opgewonde. In Kanada, veral by LCBO (’n staatsinstelling wat ook dien as klein- en groothandelaar van wyn, bier en spiritualieë), het die Suid-Afrikaanse kategorie die afgelope tyd taamlik drasties verander. Waar dit voorheen laergehalte-, prysgedrewe aanbiedings was, is dit nou op elke vlak interessanter.
“ ’n Handelsmerk soos Arniston Bay, wat voorheen vir 12 Kanadese dollar per bottel (R168) verkoop is – ’n kategorie wat ’n bloedbad is wat mededingendheid betref – is nou op $15,95 (R224). Dit