Hulle doen sake soos ’n private wynmaker, maar een met skaal. Hulle is in die unieke posisie dat hulle wyn van goeie gehalte kan maak, teen ’n baie groot volume.
Só vertel Albertus Louw, keldermeester, terwyl hy proeseltjies van twaalf van die kelder se wyn in glase skink.
Dit is nou tien jaar sedert Perdeberg, geleë tussen die wingerde en graanlande van die Agter-Paarl, van die koöperatiewe model na ’n maatskappy verander het. Hoewel hy jaarliks sowat 30 000 ton druiwe pars, bly gehalte ononderhandelbaar.
“Een van die eerste dinge wat ons verander het, was om die poelstelsel af te skaf, want dit is nie opbouend vir gehalte nie.”
Hy sê dat hulle nou druiwe by hul sowat 25 aandeelhouerboere kontrakteer. Hulle koop ook druiwe oor ’n gebied van sowat 200 km in.
“Ons koop slegs druiwe vir produkte waarvoor daar ’n markbehoefte is, soos Sauvignon blanc van
