Beurtkrag, swak padinfrastruktuur, sukkelende hawens en die wankelende spoornetwerk gaan waarskynlik nie in die nuwe jaar veel verbeter nie.
Die landbousektor het klaar op ekonomiese vlak tekens van swaarkry begin toon. Statistieke Suid-Afrika (SSA) het byvoorbeeld in Desember bekend gemaak die land se bruto binnelandse produk (BBP) het in die derde kwartaal van 2023 met 0,2% gekrimp vergeleke met die vorige kwartaal. Vyf uit tien sektore het swakker presteer, en die landbousektor het die grootste daling van dié sektore aangeteken met ’n inkrimping van -9,6% vir die derde kwartaal.
Volgens Wandile Sihlobo, hoofekonoom by Agbiz, het die Internasionale Monetêre Fonds (IMF) wêreldgroei van 3% vir 2023 voorspel wat 3,5% laer was as in 2022.
’n Verdere verlangsaming van 2,9% word vir 2024 verwag.
“Dit is kommerwekkende groeivlakke en bly onder die historiese gemiddelde. Vir klein ekonomieë soos Suid-Afrika is hierdie matige groeivooruitsigte nie baie ondersteunend nie, veral nie vir plaaslike ekonomiese herstel nie.” Hy sê omdat Suid-Afrika ’n uitvoergedrewe ekonomie is, sal gebeure wat handelsvennote soos China, Amerika en Europa se ekonomiese toestande verswak, ook Suid-Afrika se pad na ekonomiese herstel benadeel.
“Die plaaslike
