BOEREVERENIGINGS van die Blouberg- munisipale gebied in Limpopo het daarin geslaag om vir boere ’n rabat van 75% op eiendomsbelasting te beding, maar dit het ses jaar geduur, met onderhandelinge wat by tye hittig geraak het.
Verenigings in ander gebiede het hul voorbeeld gevolg. Van hulle het al sukses bereik, terwyl ander nog voortbeur.
In die Blouberg- munisipale gebied het die vonk vir die stryd op Vivo begin in die kantoor van Erika Helm, bestuurder van die TLU SA se Bo-Brakrivier Boerevereniging. Helm is ook die nasionale voorsitter van TLU SA se komitee oor plaaslike regering.
“Boere weet eiendomsbelasting móét betaal word en is bereid om te betaal, maar hier in ons omgewing kry hulle nie regtig dienste van die munisipaliteit nie,” sê Helm, aan wie TLU SA se Nico Killian-trofee vir Landboupersoonlikheid van die Jaar in September vanjaar die tweede keer toegeken is. “Blouberg kan nie paaie onderhou nie, vullis verwyder, of water en riolering verskaf nie. Hier is nie ’n biblioteek, park of selfs ’n begraafplaas nie, wat openbare dienste is.
“Toe die munisipaliteit in 2006 ’n waardasierol gepubliseer het, het ons gesê ons wil met hulle oor die belastingkoers onderhandel en