1 Geen keer aan besproeide boerdery
Toe die plaaslike avokadobedryf marktoegang kry tot China, het dit enorme geleenthede teweeg gebring. Dit is ook een van die redes waarom Michael Esmeraldo, besturende direkteur van Netafim SA en voorsitter van die Suid-Afrikaanse besproeiingsinstituut, meen besproeiingsboerdery in Suid-Afrika gaan uitbrei.
“Ek voorsien veral dat gewasse soos sitrus en avokado’s gaan uitbrei, dalk ten koste van makadamiaboorde met dié dat makadamianeute se prys so wisselvallig is,” sê Michael.
Opknappings aan die Beirahawe in Mosambiek, wat ook kouekettinggeriewe insluit, skep kanse vir die uitvoerlandbou om te floreer – veral onder Zimbabwiese en Zambiese boere. Dit sal boonop die druk op Suid-Afrikaanse hawens help verlig.
Ook groenteboere neem toenemend druptegnologie aan, sê Michael. “Die afgelope drie jaar het die vraag na dunwand-drupperlyne, wat slegs vir ’n seisoen gebruik word, gegroei.”
Hy skryf dit onder meer toe aan vrugte- en neutboere wat om