Tegnologie vind nuwe antwoorde vir ou probleme
In vandag se moderne tyd speel tegnologie en ontwikkeling ’n groot rol op die meeste gebiede en die landboubedryf is geen uitsondering nie. Dit word gebruik om vooruitgang op ’n wye verskeidenheid maniere aan te help - van hoe om die geslag van hoenders in die eierfase te bepaal tot hernubare kragopwekking en die verbouing van groente in klein gebiede. Dié tegnologiese vooruitgang bespaar boere nie net tyd en geld nie, maar help hulle om volhoubare praktyke te skep vir ’n onsekere toekoms.
SONKRAG VIR DIE TOEKOMS
Vir een Suid-Afrikaanse maatskappy gaan die gebruik van tegnologie nie net oor besparing en produktiwiteit nie, maar ook oor wat die regte ding is om te doen. Fair Cape Dairies gebruik die jongste ontwikkeling in kragopwekking om klimaatsverandering te beveg. Dié melkmaatskappy
