Miskien is ‘die punt’ nie om méér te lewe in die letterlike sin van 'n langer of meer produktiewe lewe nie, maar eerder om op enige gegewe oomblik meer te léwe. – Wunderman Thompson-verslag Dit was nogal 'n openbaring en 'n kopskuif.
Te midde van beurtkrag, siedende storms en verwoestende vloede en winde en allesbehalwe heerlike lente, is ek vir twee weke totaal platgetrek deur die nuwe Covidvariant. Toe ek uiteindelik uit my bed uit steier, was ek niks lus vir die lewe nie.
Is dit nou al wat daar is? het ek swartgallig gewonder.
Toe beland die lywige verslag The Age of Re-enchantment van die trend-ghoeroes Wunderman Thompson in my inboks. En ek jil van verligting: Dis nie net ék wat so voel nie, wêreldwyd is mense voos en lewensmoeg en smag na vreugde, verwondering en magiese betowering!
Die pandemie moet pa staan vir baie dinge, maar dit is 'n feit dat daar 'n diep gevoel van verlies en malaise oor die aardbol doenig is. (Sien ‘Dis wat mense sê’ op bladsy 117.) Volgens die Amerikaanse