Sonkrag
Een van die voorbokke om die beleërde Koster in Noordwes se waterkwessies op te klaar – al was dit tydelik – staan nou aan die voorpunt om sy fabriek, wat ’n reusewerkskepper is, onafhanklik te bedryf. En al is die tegnologie baie duurder, oortref betroubaarheid en aanpasbaarheid die prys, sê Willie Jones.
“Dit gaan nie in die eerste plek oor die koste nie, maar om onafhanklik van Eskom te wees.”
Willie, eienaar van Jones Masjiene en bekende vervaardiger van veevoermasjinerie, berei tans sy fabriek voor om Eskom se koppelings finaal af te skakel. Sy woonhuis op die dorp is reeds sedert 2012 ten volle op sonkrag.
“Hallo sonkrag, totsiens Eskom,” sê Willie laggend, terwyl hy beduie na die maste met groot sonpanele wat bokant sy fabriek uittroon. Dan gaan wys hy sy omsetters, batterye en die moderne toerusting wat reeds op sonkrag is.
“Dit gaan nie net oor beurtkrag nie, maar ook oor die swak gehalte van die elektrisiteit wat ons van Eskom ontvang. Só kan ek nie my besigheid bedryf nie. Ons het baie rekenaars en delikate
