Klimaatsverandering
Wisselboustelsels het nie net ’n uitwerking op bestuur, plae en siektes of die infrastruktuur of werktuie wat benodig word nie: Dit beïnvloed ook ’n boerdery se kweekhuisgasvrystellings. Ons het gesien vrystellings kan verlaag word deur kunsmis met peulplante wat stikstof bind, te vervang, en diverse wisselboustelsels wat dekgewasse en diere insluit, te gebruik.
Die landbou is uniek omdat dit een deel menslike aktiwiteite behels en twee derdes die natuur. Jy kies die saad, plant dit korrek en dan is daar ’n paar geleenthede in die seisoen om te bemes of te bespuit. Daarna moet plante deur natuurlike prosesse groei.
Ons is almal bewus van die groot invloed wat die omgewing op produksie het: Temperature wat nie te warm of te koud is nie en die regte hoeveelheid reën teen die regte verspreiding is deur die seisoen nodig. Wat minder bekend is, is die groot uitwerking wat die landbou op die omgewing het.
Boerdery is wêreldwyd die grootste grondgebruiker. Dis ook verantwoordelik vir sowat ’n kwart van die