1 SJOK-KARAMELBROSBROOD IN LIPLEKKER LAE
Lewer 20-24 vierkante
BESTANDDELE
Brosbrood
200 g koekmeel
30 g cocoa-poeier
175 g ongesoute botter
75 g strooisuiker
Karamel
150 g botter
380 g kondensmelk
100 g gouestroop
Sjokolade
300 g witsjokolade
METODE
Voorverhit die oond tot 180°C. Smeer ’n 22 × 22 cm-bakpan en voer met bakpapier uit.
Brosbrood
■ Meng al die bestanddele met jou vingerpunte tot die mengsel soos broodkrummels lyk. Druk dit dan met die agterkant van ’n lepel in die bakpan vas.
■ Bak vir 15-20 minute in die oond tot goudkleurig en kompak. Haal die pan uit die oond en laat dan heeltemal afkoel.
Karamel
■ Meng al die bestanddele in ’n kastrol oor lae hitte tot die botter gesmelt het.
■ Roer die karamelmengsel elke paar minute tot dit dikker word en donkerder verkleur. Verwyder die mengsel van die hitte en giet oor die afgekoelde brosbrood.
■ Sit die pan vir 10 minute eenkant om verder af te koel voor jy dit vir 20-30 minute in die yskas sit om te verhard.
