Trekkerstories 3
Die Fordson Super Major was die hoogtepunt van Fordson Major, wat sy oer-oorsprong het by Henry Ford se ideaal om ’n trekker te vervaardig gelykstaande aan sy Ford Model T wat betref revolusionêre ontwerp, vervaardigingstegnologie en bekostigbaarheid.
Henry kon nie sy trekker ook Ford noem nie, want dié naam is opgeraap deur fortuinsoekers, Bear Ewing en Paul Ford, wat húl trekker die Ford genoem het. Paul was ’n klerk in ’n ysterwarewinkel en het vir Bear se geldmaakstorie geval. Hy het darem nie verniet die van Ford gekry nie, het hy seker gedink.
Kommentators het bespiegel dat hulle gehoop het