Oos-Kaapse Jongboer van die Jaar
Sy eerste liefde is die meganiese afdeling, maar Dian Landman het seker gemaak hy het elke ander afdeling van die boerdery – van die melkery en kalf-afdeling tot weiding – onder die knie. “Ek het besef ek kan nie die plaas oorneem en later bestuur as ek nie die ander afdelings verstaan nie.”
Dian het hom in Januarie 2016 amptelik by die familieplaas Lactimar, ’n weidingsgebaseerde melkplaas by Tsitsikamma in die Oos-Kaap, aangesluit.
Danksy sy liefde vir werktuie is hy in 2015 Amerika toe vir kontrakwerk, maar ’n gebreekte enkel het sy goed uitgewerkte plan gepootjie om ’n volle jaar oorsee te werk. “Ek kon eers in Augustus gaan en drie maande help om sojabone en mielies te oes, maar toe ek in 2016 wou teruggaan om die jaar te voltooi, het my pa gesê dit is tyd om plaas toe te kom.
“Omdat ek in 2015 in ‘beseringstyd’ op die plaas kon sien waar verbeter kon word, kon ek veranderinge met die 2016-intrapslag in werking stel.”
Drie jaar lank het hy self melkskofte gewerk en melkstaldiens gedoen. As rekenmeester het sy vrou, Dinel, nog vaardighede na die boerdery gebring en die finansiële aspek oorgeneem. Uiteindelik kon hy die finansies ook beter verstaan. “Ek het myself gedwing om te leer, al is dit nie my sterk punt nie, maar ek weet nou presies wat in elke deel van die boerdery aangaan. Danksy programme, soos Xero, is ek daagliks met Dinel se bydraes