PROFIEL
D ié man ken van vure doodslaan – letterlik! Emile Conrad (39) het onlangs wéér koning gekraai in die SA Toughest Firefighter Alive -kompetisie –’n strawwe fiksheidstryd wat brandslaners se uithouvermoë tot die uiterste teen mekaar beproef. En dis nou al die sesde keer dat hy as die land se taaiste brandweerman aangewys is.
Emile is beskeie verby oor dié titel tydens ons Kuier-gesels.
Dié pa van twee werk vir die Garden Route-distriksmunisipaliteit se brand- en reddingsdienste in George. Hy het die eerste keer in 2011 die kompetisie gewen toe dit nog net vir Wes-Kaapse brandbestryders gehou is, sê hy.
’n Jaar later het hy tweede geeindig toe dié kompetisie vir die eerste keer nasionaal aangebied is.
Van toe afdie wenne ingepalm, en vanjaar was dit weer só.