So naby, maar tog so ver. Dít was die geval toe Jaco Schoonwinkel (32) verlede jaar die eindronde van die grootste sterkmankompetisie op aarde gehaal het, maar toe sy knie-kruisligamente geskeur het en hy hom moes onttrek.
Hy is sedert ’n knie-operasie weer goed op dreef met sy oefenprogram – so tussen die boerdery deur op Kluitjieskraal by Swellendam waar hy saam met sy ouers, Jan en Sanet, en ouer broer, Arno, met Jerseys, Dohne-Merino’s en gesaaides boer.
Jaco is 1,9 m lank en weeg 150 kg – dus ’n groot, sterk man wat ontsag afdwing. Hy oefen vier keer per week anderhalfuur lank in sy tuisgimnasium, en sê in albei beroepe is deursettingsvermoë en bloedsweet noodsaaklik vir sukses.
Hopelik kan hy in Mei vanjaar weer aan die World’s Strongest Man-kompetisie in Myrtle Beach, Suid-Carolina, Amerika, deelneem op pad na sy droom om uiteindelik die wêreldtitel te wen.
“Ek het in