PROFIEL
Soms kan Natasha Joubert (26) steeds skaars glo sy is Mej. Suid-Afrika. Dis immers ’n droom wat sy al sestien jaar lank koester.
Veral toe sy einde September as ’n gas van L’Oréal na Parys se Modeweek is, moes sy haarself knyp, het sy later op WhatsApp vertel. “Dit het onwerklik gevoel! Daar was ek in die gehoor, die grootste name in die modebedryf se vertonings op die loopplank, die Eiffeltoring op die agtergrond. Ek het [aktrise] Eva Longoria en [sangeres] Camila Cabello ontmoet, saam met ’n klomp ander L’Oréal-ambassadeurs. Parys se strate was ’n belewenis, met die Wêreldbekerrugby ook aan die gang. Dis een van baie stories sover wat ek eendag vir my kinders sal wil vertel!”
Tydens ons onderhoud kort voor haar vertrek, erken sy dat sy soms sukkel met imposter syndrome. “Ek moes vinnig daaroor kom ná die kroning in Augustus, want die werk het dadelik begin. Maar soms voel dit steeds onwerklik om Mej. SA te wees.”
Sy pas egter perfek in dié rol. Haar lang, donker