DIE reus met die oop seunsgesig slaan drie keer met sy handpalm op die tafel om homself op te rui. Dan draai hy sy bofbalpet agterstevoor op sy kop, plant sy elmboog op die tafel en vat sy teenstander se hand vas.
Daar is groot belangstelling in vanaand se armdrukstryd, want die Australiese legende “Super Mario” Tambakis kom te staan teen ’n opwindende nuweling uit Suid-Afrika, die 20-jarige Riekerd Bornman. Dié ou, fluister die ingeligtes, kan saam met die bestes armdruk.
Die skeidsregter maak seker hul handgrepe en liggaamshouding is tegnies korrek, en dan begin hulle druk.
Toe die gebeur en gesteun verby is, wen Super Mario met 4 drukke teen 1, maar hy voorspel dié groentjie van