Wraggies, dit ís toe so. Almal in die geweste het gedink dis ’n wolhaarstorie. Sien is glo, en ons hét gesien – nig Magriet uit ons eie kontrei is die wenner van die Nasionale Bokbolspoeg-kampioenskappe! Skielik plaas elkeen wat al ooit ’n kiekie saam met haar geneem het, dit op Facebook en klets land en sand asof hulle boesemvriende is.
Ek en sy het saam grootge-word, maar het mekaar donkiejare laas gesien. Sy was ’n rabbedoe en nie een wat jy kaal-hand kon pak nie. Ek het vanjaar ’n trofeerooibokram vir die wenner van hierdie uitsonder-like kompetisie geborg. In my wildste drome het en nie kon dink dit sou my niggie van die buurplaas wees nie. Kan jy nou glo, sy gaan vandag haar bokkie kom klits en sekerlik haar spoegtrofee kom afshow. Ek borg altyd ietsie omdat hierdie sport my ouma so na aan die hart gelê het.
