“Wakker word!” roep ek toe ek verby Kruiwa stap waar hy nog knus in sy Grondpad Vellie lê en lang papegaaidrome droom. “Kom, kom, kom, vroeg uit die vere met jou!” Vandag kom ’n Amerikaanse pa en seun by ons jag en alles moet perfek in plek wees. Hulle kom vir die “te voet met Krisjan en Kruiwa”-
jagervaring en ons moet dit die beste dag van hul lewe maak. “Allamapstieks, Kruiwa, klap die droom uit jou kop en vee die slaap uit jou oë!” Kruiwa het tot laataand met die nonnetjiesuile geklets en wanneer ek met my mensoor inluister, klink dit of die uile net spookstories vertel.
So van spookstories gepraat. Ek was pas skaars klaar met skool toe kry ek werk op ’n wildplaas. Die plaas was tussen