Sy kon op hoërskool nie kop of stert uitmaak van wiskunde nie. Dié vak was vir haar so confusing dat sy op die punt was om dit te los. Maar haar pa het haar aangeraai om deur te druk en met sy ondersteuning en hulp, en dié van ’n wiskunde-boffin-familielid, het sy sommer gou wiskunde-probleme vir ’n ses geslaan. En nou verdien sy al 30 jaar lank haar brood en botter as wiskunde-onnie.
Lizette Schroeder (53), wat vir graad neges tot 12’s by die Protea Heights Academy in Brackenfell klasgee, se liefde en passie vir die vak, én die prettige manier waarop sy dit aan haar leerders verduidelik, het daartoe gelei dat sy laas maand by die jaarlikse provinsiale onderwystoekennings amptelik aangewys is as die beste onnie in die Wes-Kaap.
Laas jaar het sy ook