DIE geweldige slag het die buurt wakker geruk. In hul nagklere het die bure na buite gestroom. Wat gaan by die Fouries se huis aan?
En daar, buite die gesinshuis in Welkom se Langenhovenstraat, kyk hulle toe hoe die woning deur vlamme verswelg word.
Genadiglik is die huismense nie tuis nie. Hennie het Kaap toe getrek agter werk aan, en toe Retha besluit het om van hom te skei, is sy met die kinders terug na haar ma toe.
Maar in die vroeë oggendure kom Retha daar aangejaag, en sy lyk ontroosbaar by die puin van die huis waar die gesin 12 jaar gewoon het.
Dit was eers die volgende oggend, 20 Mei 2018, dat Hennie die slegte nuus van sy vervreemde vrou gehoor het.
“Sy het my so
