VIR die buitewêreld was sy die hardwerkende ma van ses kinders en ’n toegewyde lidmaat van die Mormoonse kerk.
Ruby Franke en haar man, Kevin, het mense geïnspireer en die hartsnare getokkel deur hul gesin se daaglikse doen en late te verfilm en op haar YouTube-kanaal, 8 Passengers, uit te saai. Die video’s wat sy geplaas het, was alledaagse tonele uit haar voorstedelike Amerikaanse lewe, afgewissel met ouerskapwenke vir haar 2,5 miljoen volgelinge.
Maar nou is dié heilsame beeld waaraan sy so hard gewerk het in sy peetjie nadat dit aan die lig gekom het Ruby is moontlik ’n monster en glad nie ’n modelma nie.
Haar kinders beweer sodra die kameras ophou verfilm het, het sy in ’n feeks ontaard wat