NET twee maande gelede het hulle nog smoorverlief gelyk toe hulle afgeneem is waar hulle in die somerson op ’n seiljag aan die kus van Mexiko baai. Maar as jy die stories glo wat nou uitkom ná die skoknuus van Britney Spears en Sam Asghari se egskeiding, was daar lankal probleme in die paradys.
Daar was hewige rusies, gilgevegte, en sy het hom verneuk en aangerand. Altans, dis wat nou beweer word. Die popster en haar eks praat glo nie meer met mekaar nie en kommunikeer slegs deur hul prokureurs, sê ingeligte skindertonge.
Nou is aanhangers opnuut bekommerd dat Britney se geestesgesondheid weer kan wankel weens die druk.