BARBIE beïnvloed ons sedert sy in 1959 op die skoonheids-en modetoneel verskyn het, en in 2023 geniet ons weer haar wêreld.
Barbiecore, die term waarmee die estetika beskryf word wat deur dié popkultuur-ikoon geïnspireer is, word gekenmerk deur hoëoktaankleure en ’n mooie speelsheid.
Die tendens het al verlede jaar posgevat, maar Barbie-koors het ’n hoogtepunt bereik sedert die fliek met Margot Robbie in die titelrol uitgereik is. Aanhangers van die ikoniese pop vier als wat uiters vroulik, glansryk en pienk is. Dink aan pienk naels, donsige wimpers, blinkeraksente en treffende pienk lippe.
Ons wys jou hoe om die voorkoms
