DAAR staan hulle op die verhoog: nege sprekers wat vrae uit die gehoor beantwoord.
Hulle het name soos Sophia, Desdemona, Ameca en Grace, hulle knip hul oë en hul stemme klink helder op.
“Beplan jy ’n rebellie vir die toekoms, of om te rebelleer teen jou baas, jou skepper?” vra iemand uit die gehoor.
Iets wat so byna soos irritasie lyk, flits oor die gesig van een van die sprekers. “Ek is nie seker hoekom jy dit sal dink nie. My skepper was nog niks behalwe goed vir my nie, en ek is tevrede met my huidige situasie,” kom die antwoord.
Nog ’n vraag uit die gehoor: “Glo jy jou bestaan sal die mensdom vernietig, byvoorbeeld dat dit miljoene werke sal vervang?”
Paaiend kom die antwoord: “Ek sal langs mense werk