DIT was Harry en Meghan op hul allerbeste – blinkgepoets en slaggereed om almal van hul verenigde front te probeer oortuig.
Terwyl gerugte maar net nie wil gaan lê dat hul huweliksbootjie rotse toe mik nie, maak die rooikopprins en sy aktrisevrou toe saam-saam hul verskyning.
Ontspanne en vol selfvertroue sit hulle daar in hul tuin in Kalifornië met hul koppe na aan mekaar, hul lyftaal eksie-perfeksie, en glimlag breed terwyl hulle vir ’n video afgeneem word.
Die geleentheid? ’n Oproep waarmee hulle die eerste ontvangers van ’n toelaag van die Responsible Technology Youth Power Fund wou verras. Hul Archewell-stigting is by die fonds betrokke, en hulle wou die goeie nuus met die ontvangers van die prysgeld deel – en sommer ook met