Rubriek
Dit was naelskraap of die monetêre beleidskomitee van die Reserwebank het rentekoerse verder laat styg: Die stemming was drie vir koerse onveranderd en twee om die rentekoerse te verhoog.
Daarom waarsku Lesetja Kganyago, president van die Reserwebank, dat die inflasie- en wêreldrisiko’s groot is en ernstige wisselvalligheid en onsekerheid veroorsaak. Suid-Afrika is derhalwe nie noodwendig by die boonste draaipunt van die rentekoerssiklus is nie. Ek vermoed egter ons is daar, want dit gaan te sleg met die ekonomie om nog verder gewurg te word.
Reserwebank se taak
Die Grondwet gee die Reserwebank sy mandaat, wat daarop neerkom dat die primêre taak is om die waarde van die geldeenheid te beskerm, met inagneming van gebalanseerde en volhoubare ekonomiese