TEGNOLOGIEREEKS
Groot dele van die landelike en afgeleë – en selfs minder afgesonderde boerderygebiede – word gyselaar gehou deur gebrekkige kommunikasiekanale. Revolusionêre tegnologiese toepassings wat veronderstel is om Suider-Afrikaanse boere se produktiwiteit te verbeter, is plek-plek onbereikbaar, is wispelturig en boonop raak veiligheid ’n groter risiko.
Vandalisme is een van die grootste probleme vir internettoegang, veral rondom stede en in die kommunale gebiede. Met torings wat geplunder word, is daar dae of weke lank geen opvangs veral in afgeleë landelike gebiede waar die opvangs so swak is dat die probleem nie eens aangemeld kan word nie.
Dit is ook hier waar eers Telkom en nou selfoonreuse hulle begin onttrek. Die oplossings is daar, weliswaar duurder as in stedelike gebiede, maar samewerking tussen boere en buurdorpe maak dat hulle ’n groter bedingingsmag het.
Die koste van satelliettegnologie sal volgens kenners binnekort meer haalbaar wees.
In hierdie artikel word gekyk na vier boere se oplossings, beskikbare tegnologie vir onder meer besproeiingsen veeboere wat afhanklik is van tegnologie, en hoe die georganiseerde landbou druk op selfoonreuse wil toepas om rabatte in te stel, aangesien boere vir niebestaande dienste moet betaal.
Oplossing 1: Pak die probleem onafhanklik aan
Edgar Filter boer by Lothair in Mpumalanga. Vanweë sy en ander boere se toenemende proble met betroubare stem-en-datakommunikasie,
