TEGNOLOGIEREEKS
Een van die groot voordele van satellietverbindings is die vermoë om dekking te bied in afgeleë en onderbediende gebiede, sê Kallie Carlsen, uitvoerende hoof van Paratus SA.
“Dit verseker dat boere en inwoners van streke toegang kry tot konnektiwiteit ondanks hulle geografiese afsondering.”
Paratus Suid-Afrika is deel van die Paratus Groep wat satellietinternet verskaf, met besigheidseenhede in sewe Afrikalande en wat dienste aan meer as 35 lande lewer.
“Vir boere is dit uiters belangrik om aanlyn te wees, soos vir bankbedrywighede, marknavorsing, die koop en verkoop van goedere, weervoorspellings en kinders wat skoolgaan. Só kan boere ook in verbinding bly met verskaffers en verkopers en ander landbouen regeringsagentskappe.”
Afgesien van administratiewe en kommunikasiedoeleindes kan die satellietinternet in ’n boerdery gebruik word vir kameras – mits die data deur ’n NVR (network video recorder) opgeneem word, asook enige SMART-moniteringstoestelle wat nie deur ’n VPN konnekteer nie.
Paratus bied satellietinternetpakkette wat begin by ’n aflaaispoed van 5 mbps tot 50 mbps. ’n Basiese telefoon, wat deur die internet werk, maar soos ’n gewone foon werk, kan ook hieraan gekoppel word.
Carlsen verduidelik dat tradisionele landlynkonneksies nie meer in yl bevolkte plekke gevestig word
