Sy wou net haar kleindogter “help om ’n karretjie te koop”. Maar toe sy weer sien, is sy R25 000 armer - én haar kleinkind sit steeds sonder wiele.
“As jy in Suid-Afrika wil oorleef, moet jy wakker wees” sê Frances Josephs*. Sy het doodseker gemaak die motorhandelaar en kar wat sy wou koop, bestaan wel en dat die verkoopprys regtig R50 000 is. Maar ná sy R25 000 aanlyn betaal het en verder met die koper wou praat, was dié skielik skoonveld. Haar bank kon ook nie help om die geld terug te kry nie.
Die skelms wat jou wil inloop, is dikwels deel van gesofistikeerde sindikate sê Manie van Schalkwyk van die organisasie Southern African Fraud Prevention Serviee (SAFPS).“Ons algemene raad is as ’n verbruiker
