MENSE SE LENSE
STEPHEN PENSO
Canon PowerShot G7 X
STEPHEN SKRYF: Ek het hierdie foto by die hawe in Simonstad geneem. Dit was sowat tienuur die oggend, maar die lig was nogal swak en daarom het ek seker gemaak dat ek my teen ’n reling stabiliseer sodat ek ’n beter skoot kon kry.
Die weerkaatsings op die water is van ’n sinkskuur wat buite sig na agter staan. Ek het net ’n bietjie ingezoem om die komposisie te kry waarna ek gesoek het, maar verder niks aan die foto verander of gemanipuleer nie.
TOAST SÊ: Stephen se foto laat jou twee keer kyk na wat andersins ’n doodgewone hawetoneel sou wees. ’n Mens sou tipies hier die skuit beskou as hoofvoorwerp in die foto, maar die aweregse strepe en patrone wat deur die weerkaatsende sinkskuur geskep word, steel volkome die kollig.
En tog vermoed ek baie fotograwe sou hierdie toneel nie raakgesien het nie. Dit is belangrik om oor die jare heen ’n goeie oog te ontwikkel vir wat ánders as die gewone is. Honderde mense neem elke dag foto’s by Simonstad se hawe, maar net Stephen het die abstrakte magic in hierdie toneel gesien.
Ek sou die komposisie verder
