Rubriek VEEBESTUUR
Vir die 2023-’24-seisoen word ’n super-El Niño-verskynsel voorspel. Daar was die afgelope 70 jaar vier sulke super-gebeurtenisse – in 1972-’73, 1982-’83, 1997-’98 en 2015-’16.
Elkeen van hulle het saamgeval met algemene droogtetoestande oor Suider-Afrika (GRAFIEK). Voorts was elke daaropvolgende super-El Niño-verskynsel feller as die vorige.
Tans dui die voorspelling daarop dat die komende verskynsel die hoogste indeks van almal sal bereik, naamlik 2,7 op die indeksskaal. Die doel van dié artikel is allermins om alarmisties te wees, maar om veeboere te help om hulself vroegtydig voor te berei as die voorspelling wel waar word.