Bou veeboerdery só op ná droogte
Droogte, veral as dit lank en uitgerek is, veroorsaak agteruitgang van die veld, veegetalle en die finansies van ’n veeboerdery. Sodra die droogte gebreek is, moet die boer besluit wat die beste praktyke is om droogteskade te herstel en sy boerdery weer op te bou.
Die vraag waarmee die meeste boere worstel, is: Wat kom eerste, die veld, die vee of die finansies? Die antwoord is eenvoudig – al drie hierdie fasette behoort gelyktydig herstel te word, want hulle is interafhanklik van mekaar. Die toepassing daarvan is egter nie so eenvoudig nie.
Die proses moet teen die agtergrond van die volgende aanbevelings aangepak word.
■ Die “pasiënt is in
