SUID-AFRIKAANSE hoenderboere blaas wat mededingendheid betref in die nekke van Amerikaanse produsente en produseer goedkoper as drie Europese mededingers. Brasilië, die wêreld se grootste uitvoerder van hoendervleis, is egter nog loshande voor wat produksiekoste betref.
Die jongste studie deur die Universiteit van Wageningen in Nederland en die buro vir voedsel- en landboubeleid (BFAP) oor die plaaslike braaihoenderbedryf se mededingendheid relatief tot produsente in ander lande is op syfers van 2021 gegrond.
Prof. Ferdi Meyer, besturende direkteur van BFAP, het op die AVI Africa-pluimveekonferensie op Kempton Park gesê Suid-Afrika se hoë voer- en dagoudkuikenkoste is ’n bron van kommer. Laasgenoemde word deur voerkoste aangevuur.
Suid-Afrikaanse boere betaal beduidend meer vir dagoudkuikens as enige van sy mededingers
