Plaaslike groei kan deel van invoer vervang
Die buro vir voedsel- en landboubeleid (BFAP) verwag dat die verbruik van hoendervleis van nou tot 2029, vergeleke met wat die gemiddelde verbruik van 2017 tot 2019 was, met 12% gaan groei. Die groei is baie meer beskeie as die 25% in die vorige dekade.
Die regering se Covid-19-inperkings het die bedryf vanjaar swaar getref en die BFAP-navorsers verwag dat die vraag na hoendervleis, nadat dit vanjaar skerp afneem, oor die volgende dekade geleidelik sal herstel.
“Pluimvee bly die goedkoopste bron van diereproteïen maar vir baie laer-inkomsteverbruikers het dit min alternatiewe en wanneer hul besteebare inkomste afneem, word dit onbekostigbaar, wat tot
