Geldbeplanning
Die meeste boere se belange in die bedryfsmaatskappy en die plaasgrond word deur trust(s) besit. Die plaasgrond word direk in die naam van ’n trust geregistreer, of in die naam van ’n maatskappy met die onderliggende aandeelhouding van die maatskappy in die naam van die trust(s). Een van die hoofredes hiervoor is sodat die boer kan verseker dat die familieboerdery oor generasies kan oorleef.
Indien trusts die bates van die familieboerdery besit, word geen boedelbelasting en kapitaalwinsbelasting betaal wanneer die bates na die volgende generasies oorgedra word nie. Indien hierdie belasting met elke generasie betaal moet word, sal die familieboerdery nie lank oorleef nie.