Koppe in die restaurant draai om na Vanes-Mari du Toit te kyk wanneer sy instap. Of dit nou is omdat sy 1,89 m lank is, omdat sy ’n oud-netbalkampioen en deesdae aanbieder van verskeie televisieprogramme is, of omdat jy haar van oorkant die vertrek kan hoor soos sy lag vir iets wat die kelner sê, weet mens nie – moontlik al drie.
Ieder geval, mense is bewus van dié lewenslustige blonde vrou met die helderblou oë se teenwoordigheid, waar ook al sy gaan. Sy het ’n manier om mens te laat voel asof julle mekaar al jare lank ken, persoonlik of deur die televisieskerm.
Sy’s uit en uit haarself. Die Vanes in die kerk is dieselfde Vanes wat as Protea-netbalspeler die land jare lank verteenwoordig het. En dis dieselfde Vanes wat die hele nasie laat skaterlag het toe sy in 2018 as deelnemer aan Dancing with the Stars op M-Net laat val het waarom sy die vorige week nie te goed gevaar het nie . . . Daaroor het sy op sosiale media gegrap: “Ek hou nie daarvan om te dink voor ek praat nie. Ek hou daarvan om net so verbaas te wees soos almal anders deur dit wat by my mond uitkom.”
Jou kleurryke sêgoed in het jou byna
