kos
DONKERSJOKOLADE
Die geur van dié sjokolade laat ’n soet smaak in party mense se mond terwyl dit vir ander eerder ’n bitter smaak het. Die grênd mense noem dit couverture-sjokolade, wat beteken dit bevat meer kakaobotter en soliede kakao. Die kakao-inhoud word in persentasies gemeet en enigiets bo 70% tel as donkersjokolade. Hoe hoër die kakao-inhoud, hoe duurder en bitterder.
PIENK SJOKOLADE
Al gehoor van ruby sjokolade? Dis ’n natuurlike pienk sjokolade wat as die vierde sjokolade beskou word. Die kleur kom vanaf ’n sjokoladeboon-variëteit wat as Ruby bekend staan. Die sjokolade is die eerste keer in 2017 deur die Belgies-Switserse maatskappy Barry Callebaut bekend gestel.
Die smaak is soet soos dié van witsjokolade met natuurlike suur ondertone. Plaaslik kan jy dit by kocotrading.co.za bestel.
Jy kan dit in resepte gewoon ook met witsjokolade vervang.
WITSJOKOLADE
Regte witsjokolade is baie hoog in suiker en melk en bevat geen soliede kakao nie. Die sjokolade word gemaak van meestal kakaobotter waarvan die kleur wit is. Melkpoeier, suiker en stabiliseerders word in die proses bygevoeg om die sjokolade te maak. As gevolg van die hoë kakaobotterinhoud