GOLDEN GATE-HOOGLAND- NASIONALE PARK
Hierdie park aan die voet van die Malutiberg is bekend vir sy goue herfslandskap, populierbome, sandsteenkranse en baardaasvoëls. In die somer is dit groen en welig en in die winter spog die bergpieke soms met sneeu.
DOEN DÍT Ry die twee wildkykroetes – die Oribisirkelpad (4,2 km) en die Blesbok-sirkelpad (6,7 km) of stap in die veld: Van die Glen Reenen-ruskamp af klim die Echo Ravine-roete teen die berg uit en dit gaan later by ’n smal sandsteenravyn in waar ’n klein waterval jou verras – die roete neem sowat ’n uur om te stap.
R63 p.p.; R31 per kind 2-11 jaar;