Ekologiese restourasie
KORTOM
■ Sowat ’n kwart van die veld in Namakwaland is verswak weens swak mynbou- en boerderypraktyke.
■ Daar is lank gemeen veldrestourasie daar is nie moontlik nie, maar navorsers het bewys dit is wel.
■ Ekologiese restourasie kan baie duur wees, maar ’n kenner meen boere wat hul veld ken en vindingryk is, kan dit goedkoop doen.
Byna ’n kwart van die veld in Namakwaland is verswak weens die ondeurdagte bestuur van bogrond by myne, onoordeelkundige beweiding en lande wat elke jaar geploeg word.
Daar is lank aanvaar dat verswakte veld in Namakwaland nie gerestoureer kan word nie omdat die gebied so droog is.
Gelukkig toon jare van navorsing en uitgebreide veldproewe deur dr. Peter Carrick, dr. Susan Botha en Raldo Krüger van die maatskappy Nurture Restore Innovate (NRI), hul medewerkers en studente dat daardie landskappe wel met welslae gerestoureer kan word.
Hulle vertel oor die wetenskap van en gee praktiese wenke vir restourasie in hul boek . Die boek is ook ’n blitskursus in die ekologie van Namakwaland, wat deel is van die Sukkulente Karoo.