KORTOM
■ Die onlangse droogte was een van die langste en droogste tye nóg in die Karoo, maar baie van die plante is nie aangepas vir sulke lang droogtes nie.
■ Wetenskaplikes wat veld tydens die droogte gemonitor het, sê plantbedekking het agteruitgegaan.
■ Dit was meestal die baie ou en jong plante wat gevrek het.
LIGGING
1. Soebatsfontein
2. Vanrhynsdorp
3. Weskus van die Wes-Kaap,
4. Klein-Karoo,
5. Groot-Karoo in die Wes-Kaap
Veldopnames oor ’n lang tyd help wetenskaplikes om veranderinge in landskappe waar te neem en te sien hoe plante op verskillende klimaatstoestande reageer. Veldwetenskaplikes het heelparty plekke waar hulle gereeld die opnames gaan doen.
Volgens me. Nelmarie Saayman, veldwetenskaplike, en mnr. Rudi Swart, wetenskaplike beheertegnikus by die Wes-Kaapse departement van landbou, doen hulle elke drie jaar veldopnames in ’n gebied. “Ons doen elke jaar een van drie streke – die Weskus, die Groot-Karoo of die Klein-Karoo.”
Omdat verandering so stadig plaasvind in die Karoo, is dit nie nodig om dit meer dikwels te doen nie. Hul eerste opname was in 2015 en van die gebiede het hulle al drie keer besoek en kon die veranderinge wat die
