HOEVEEL elektriese ingenieurs is nodig om Suid-Afrika se ligte darem plek-plek te laat brand?
Dit klink dalk soos ’n grappie, maar is eintlik ’n ernstige vraag, met ’n kort antwoord: ses.
Ses ingenieurs op ’n slag bestuur Eskom se nasionale beheersentrum in Germiston in Gauteng. Dit beteken hulle is die mense wat moet sorg die beurtkragskedule verloop volgens plan en ons word nie almal gelyk in permanente duisternis gedompel nie.
Hulle werk in skofte van 12 uur lank, met hul vingers op die knoppies om seker te maak alles verloop glad. Dan neem ’n nuwe span van ses oor vir hul skof van 12 uur, verduidelik Isabel Fick, hoofbestuurder van Eskom se stelselbeheerspan.
“Wat ons doen, is om vraag en aanbod
