Leerders én ervare boere was vanjaar in die kollig met ’n vars arsenaal praktiese planne. ’n Rekordgetal van 61 inskrywings het sake uitgespook en patente wat onafhanklik van Eskom se gebrekkige elektrisiteitsverskaffing bedryf kan word, het die botoon gevoer.
Dit was die 35ste keer dat die kompetisie op die Nampo-oesdag aangebied is, en die borge buiten Graan SA was Omnia en Landbouweekblad.
Louis Strydom, bemarkingshoof van Omnia Nutrilogie, het vanjaar se kompetisie as die suksesvolste nóg bestempel. Die 61 patente wat selfs van Swellendam en Vredendal in die Wes-Kaap en Groblershoop in die Noord-Kaap aangery is, het die beoordelaars behoorlik laat kopkrap.
“Dankie aan almal wat moeite gedoen het om die patente hier te besorg. As ons saamwerk, is een plus een plus een meer as drie.”
Dr. Pieter Taljaard, uitvoerende hoof van