TEGNOLOGIE 360
Om Suid-Afrika se status as die wêreld se grootste makadamiaprodusent te behou, die Chinese aantog te stuit en siekteprobleme te oorkom, word tegnologieë soos biologiese bekamping verfyn en nanohommeltuie en outonome spuite ál meer benut.
Hoewel daar ’n paar slaggate begin ontstaan in die aanvanklike gladde makadamiabedryfsroete, verras die veerkragtigheid waarmee die bedryf keer op keer vorendag kom, sê dr. Schalk Schoeman, navorsingsvoorligtingsbestuurder by Samac, die bedryfsorganisasie vir makadamianeute in Suid-Afrika.
Suid-Afrikaanse makadamianeute is veral gesog op oorsese markte, soos China en die Europese Unie, en gehaltebeheer is baie belangrik om beter pryse te behaal.
“Met die deurlopende verskuiwing van vereistes wat die toediening van chemiese middels betref, word die bedryf gedwing om na nuwe oplossings te kyk. Dít is die projekte wat my opgewonde maak.”