Jy't die punte; jy't die toelating; jy't die kamer in ‘n koshuis … Maar jy't nie die geld nie. Die studentelewe wink, maar jou ouers kan nie bekostig om vir jou studies te betaal nie, en ál jou beursaansoeke het misluk.
Dit begin lyk of jou drome in ‘n donker put wil verdwyn. Maar hou moed. ‘n Tekort aan studiegeld is ‘n struikelblok, maar nie onoorkombaar nie.
Duisende skoolverlaters maak elke jaar staat op lenings of ander vorms van finansiële hulp sodat hulle hul diploma of graad kan behaal.
Keanu Victor (22) van die Kaap het nooit toegelaat dat sy omstandighede hom onderkry nie. Hy het met min grootgeword en het in sy grootwordjare nooit