Toe Lambert Theron sy boerdery by Groblersdal in Limpopo ’n dekade gelede na Georgië uitbrei, het hy geweet daar lê vir hom groot aanpassings voor, maar hy het daarvoor kans gesien. Vandag boer hy en sy gesin lekker daar in die vreemde. Hulle het darem nie sak en pak padgegee nie, maar hul boerdery en ’n besigheid in Suid-Afrika behou.
Lambert en Hettie se een seun, Ruhan, boer saam met hulle in Georgië.
Waar bly jy en jou gesin nou?
Ons woon in Sartichala, Georgië, maar ek is ongeveer vyf maande van die jaar in Suid-Afrika omdat ons nog besigheidsbelange daar het.
